CASTING
  • JOSÉ LUIS ALCOBENDAS
    L'Extraño
    JOSÉ LUIS ALCOBENDAS

    Naixiu de Madrid. Lizenziau en Albeitería y Arte Dramatico. Ha actuau en numbrosas obras en o Teatro de Cámara de Madrid, o Teatro de Abadía, en a Compañía Nacional de Teatro Clásico, en o Centro Dramático Nacional (CDN), en o Teatro de la Zarzuela, entre atros, d’a man de direutors como José Luis Gómez, Ernesto Caballero, Eduardo Vasco, Carlos Aladro, Ignacio G. May, Tamzin Townsend, José Luis Arellano, Dam Jemmett u Hans Günther Heyme.

    En zine ha interveniu en Resultado final, de Juan Antonio Bardem; Gitano; Salvajes; El caballero don Quijote, de Manuel Gutiérrez Aragón; Mujeres en el parque, La torre de Suso y Lo contrario al amor.

    En televisión ha partizipau en numbrosas series como El comisario, Periodistas, Hospital Central, Cuéntame cómo pasó, Vientos de agua, 700 euros, Amar en tiempos revueltos, Hermanos y detectives, Lex y Bandolera, entre atras.

  • SANTIAGO MELÉNDEZ
    Leandro
    SANTIAGO MELÉNDEZ

    Actor, escritor y direutor teatral (Teruel, 1958 – Zaragoza, 2017). En 1981 fundó a compañía Teatro del Alba, con a que realizó montaches como Así que pasen cinco años de García Lorca, La señorita Julia de Strindberg, Severa vigilancia de Jean Genet u, Aquí no paga nadie de Darío Fo. Treballó con muitas compañías de teatro aragonesas, Tranvía Teatro, El Temple, Factoría, Centro Dramático de Aragón, y va colaborar en zine y en televisión en cuantas series como Amar en tiempos revueltos, Águila roja, Olmos y Robles, El Ministerio del tiempo, La que se avecina, Los misterios de Laura, entre atras.

    Amás devantó proyeutos como as funzions de microteatro en Zaragoza y en os zaguers años s’embrecó en La Casa de Bernarda Alba y Cabaret Shanghai.

    Santiago Meléndez yera un apasionau sin mugas d’o suyo ofizio: s’adedicó a la interpretazión, a la direzión d’actors y va treballar a’l costau d’a suya compañera Pilar Molinero. Emos siu enfortunaus de poder convivir con a suya pasión entre o rodache d’iste curtometrache, o zaguer en o que partizipó. Baixo a suya aparenzia zereña y rotunda, nos deixó lo mayor d’os regalos: o suyo entusiasmo, as suyas prezisas sucherenzias y os momentos compartius. Eternalmén agradeixius.

  • LAURA GÓMEZ-LACUEVA
    Millana
    LAURA GÓMEZ-LACUEVA

    Se forma como actriz en la EMTZ. Complementa os suyos estudios con Commedia dell´Arte (Carlo Boso y Luigi Otoni), Técnica Le Coq (Mar Navarro), Interpretazión (Pepe Ortega y Fernando Piernas), Clown y Bufón (Philippe Gaulier), Dramaturchia (Antonio Onetti y Paloma Pedrero), Canto (Alizia Romero y Raquel Agudo) y Zinematografía (Bigas Luna, Carmelo Gómez e Imanol Uribe).

    Dimpués d’a suya formazión, en 1998 creya Muac Teatro con Ana García, estando autoras y interpretes d’espeutaclos por ueito años y en 2011, creya Nueve de nueve chunto a Carmen Barrantes, Jorge Usón y Hernán Romero.

    Amás ha actuau en más de vente montaches teatrals con Gato negro, Teatro del Temple, Los McClown, Teatro de la Ribera, Tranvía Teatro, Ciudad Interior, Luna de Arena y Teatro del Alba.

    En a suya fazeta audiovisual, dende 2006 treballa con Zapzapmedia/Lobomedia con gran esito ta Aragón Televisión: Tres eran tres, Vaya Comunidad y 11 temporadas en Oregón Tv. Ha partizipau en largometraches y curtometraches con Agustí Villaronga, Paula Ortiz, Gaizka Urresti u Rodrigo Sorogoyen entre atros.

  • MARIANO ANÓS
    Basilio
    MARIANO ANÓS

    Mariano Anós (Zaragoza, 1945)

    Dende chicot escribo. Dende adoleszén pinto. Dende choven m’agafó lo teatro y ya no me soltó. He feito y foi d’actor, direutor, dramaturgo y profesor (en a Escuela Municipal de Teatro). Voi treballar por muitos años intensamén en o Teatro de la Ribera y dimpués en diferens compañías.

    En zine, nomás que cualques curtos y bel chicot papel en bel largo. M’estimo más o teatro, entre atras cosas por os orarios, pero tamién desfruto con l’embolique d’os suyos rodaches. Por eixemplo, con La tierra muerta.

  • HUGO GRIMALT
    Sauro
    HUGO GRIMALT

    Naixió en 2002 en Zaragoza. Estudió en a Escuela de Cine “Un perro andaluz” de Zaragoza.

    Ha estudiau piano y enguán estudia en o conservatorio de danza de Zaragoza. Ha partizipau en cuantos curtometraches: Camping de Pilar Gutiérrez, Lo chicot Zahorí de Julio Moreno como actor protagonista, y La tierra muerta de Sergio Duce. Tamién intervinió en a zinta La novia de Paula Ortiz. Amás, ha partizipau en o programa Oregón Televisión como actor con testo en bellas parodias.

  • VEGA GRIMALT
    Celina
    VEGA GRIMALT

    Naixió en 2004 en Zaragoza. Ha cursau estudios en o conservatorio de danza de Zaragoza, estudios de clarinet y piano y ye afizionada a la hipica.

    Ha partizipau en cuantos curtometraches: Camping de Pilar Gutiérrez, El pequeño Zahorí de Julio Moreno, y La tierra muerta de Sergio Duce. Amás, entre atros proyeutos, ha partizipau en o programa d’Oregón televisión como actriz con testo y en a serie Los Artigas d’Aragón Televisión en 2016.